1Ch 16:23-33 | SwhNEN | STEP | Mwimbieni Bwana dunia yote; tangazeni wokovu wake siku baada ya siku.

1 Chronicles 16:23-33

23 ^aMwimbieni Bwana dunia yote;
tangazeni wokovu wake siku baada ya siku.
24 ^bTangazeni utukufu wake katikati ya mataifa,
matendo yake ya ajabu miongoni mwa mataifa yote.
25 ^cKwa kuwa Bwana ni mkuu,
mwenye kustahili kusifiwa kuliko wote;
yeye ni wa kuogopwa kuliko miungu yote.
26 ^dKwa maana miungu yote ya mataifa ni sanamu,
lakini Bwana aliziumba mbingu.
27 Fahari na enzi viko mbele yake;
nguvu na utukufu vimo patakatifu pake.
28 ^eMpeni Bwana, enyi jamaa za mataifa,
mpeni Bwana utukufu na nguvu,
29 mpeni Bwana utukufu
unaostahili jina lake.
Leteni sadaka na mje katika nyua zake;
mwabuduni Bwana katika uzuri wa utakatifu wake.
30 ^fDunia yote na itetemeke mbele zake!
Ulimwengu ameuweka imara; hauwezi kusogezwa.
31 ^gMbingu na zishangilie, nchi na ifurahi;
semeni katikati ya mataifa, “Bwana anatawala!”
32 ^hBahari na ivume, na vyote vilivyomo ndani yake;
mashamba na yashangilie, na vyote vilivyomo ndani yake.
33 ⁱKisha miti ya msituni itaimba,
itaimba kwa furaha mbele za Bwana,
kwa maana anakuja kuihukumu dunia.